Bozorlar AQSh–Xitoy muzokaralari natijasini — 90 kunlik savdo sulhini — to'liq narxlarga kiritib bo'ldi. Haftaning boshida yuzaga kelgan optimizm zaif AQSh iqtisodiy ma'lumotlari fonida so'nib bordi.
Yaqinda kuzatilgan ralli, hafta davomida e'lon qilingan iqtisodiy hisobotlar fonida sur'atini yo'qotdi. Bu hisobotlar inflyatsiyaning biroz pasayganini va chakana savdo hajmining kutilganidan past bo'lganini ko'rsatdi. Natijada iste'mol faolligining pasayishi bilan bog'liq xavotirlar kuchaydi. Shu sababli, bozor ishtirokchilari Federal zaxira tizimi (Fed) bu yil foiz stavkalarini kamaytirishni erta boshlashi mumkin degan ehtimolni hisobga ola boshladilar. Ayni paytda noaniqlikning yangi bosqichi boshlandi: bir tomondan, Fed raisi Jerom Pauell tomonidan foizlarni pasaytirishga shoshilmaslik haqida signal berilmoqda, boshqa tomondan esa inflyatsiya asta-sekin pasayishda davom etmoqda va hozirda yillik 2.3% darajasiga yetdi. E'tibor bering, Fedning maqsadli inflyatsiya darajasi — 2%.

Ralli tugashi va Fed harakatlari hamda savdo muzokalari istiqbollari noaniq bo'lgan sharoitda nimani kutish kerak?

Ayni vaqtda AQShning butun sanoat bazasini ichki hududda tezkor tiklash uchun real iqtisodiy salohiyati yo'q. Amaldagi harakatlar, asosan, Yevropadan va boshqa mamlakatlardan kompaniyalarni AQShga qaytarishga qaratilgan va savdo hamkorlariga nisbatan bosim o'tkazish orqali amalga oshirilmoqda. Bu shuni anglatadiki, Donald Tramp geosiyosiy bosim vositalarini qo'llashda davom etadi, bu esa yanada katta noaniqlikni keltirib chiqaradi va global inqiroz ehtimolini oshiradi.

Bunday sharoitda barqaror trendlar yo'qligi, yuqori volatillik va bozorlar umumiy asabiy holatda bo'lishi kutiladi.

Bugungi bozor holatidan nimalar kutilishi mumkin?

Menimcha, AQSh dollari asta-sekin pasayishda davom etadi, chunki Tramp ma'muriyati global raqobatbardoshlikni saqlab qolish uchun zaifroq dollarni afzal ko'radi degan taxminlar kuchaymoqda. Bu qarash tushunarli, chunki AQSh kompaniyalari xalqaro bozorlarda yuqori mehnat xarajatlari tufayli jiddiy qiyinchiliklarga duch kelmoqda. Bunday sharoitda, inflyatsiya 2% darajasiga yaqinlashayotgan bo'lsa, dollar bosim ostida qolishda davom etadi. Shu bilan birga, fond bozorlari Fed tomonidan foiz stavkalarini erta pasaytirish bo'yicha kutilyotgan harakatlar tufayli o'sishini davom ettirishi mumkin.

Kunlik prognoz:

Oltin

AQSh va Xitoy o'rtasidagi savdo tangliklarining yumshashi fonida oltin bosim ostida qolmoqda. Rossiya va Ukraina o'rtasidagi tinchlik muzokaralarining boshlanishi ham qimmatbaho metallga bosim qilmoqda. Narx 3210.00 darajasidagi qo'llab-quvvatlash chizig'idan pastga tushib ketdi, bu esa 3152.90 darajasiga tushish uchun yo'l ochmoqda. 61.75 saviya — sotish uchun kirish darajasi bo'lishi mumkin.

WTI nefti (#CL)

WTI xom nefti narxi 62.00 darajasidan pastda savdolanmoqda. OPEC+ tomonidan ishlab chiqarishni oshirish pozitsiyasi va xom neftga bo'lgan talabning susayishi narxlarga bosim qilmoqda. Narx 62.00 darajasigacha qaytishi mumkin, shundan keyin menimcha, uni 59.80 maqsad darajasiga sotish kerak bo'ladi. 3201.48 saviyasi — sotish uchun kirish darajasi sifatida qaralishi mumkin.